【有片】埃及文明嚟料 紅軍歐聯雙殺曼城

作者:SUE 發表日期:2018-09-28 17:43:18

即睇全場精華:https://bit.ly/2HtU0Lq 

歐聯8強次回合曼城對利物浦精彩刺激,紅軍在半場捱打兼落後1球劣勢下,憑穆罕默德沙拿及羅拔圖法明奴各建一功,以2比1反勝曼城,兩回合總比數以5比1獲勝,晉級4強。

首回合輸0比3嘅曼城一開波就嚟料,僅兩分就先追1粒,史達寧前場緊逼華基爾雲迪積克,搞到後者交錯波畀費蘭甸奴,費蘭甸奴立即靚交畀史達寧右路傳中,「耶穌仔」加比爾捷西斯近門撞射入網,藍月亮領先1比0。

紅軍上半場全程受壓,禁區內危險鏡頭此起彼落,其中占士米拿及安德魯羅拔臣先後於禁區內手部觸球,幸好球證認為係「波打手」逃過極刑。41分鐘,貝拿度施華勁射中柱,之後利萊辛尼又食詐胡,面前一片風聲鶴唳情況下,曼城半場領先1比0。

半場期間曼城領隊哥迪奧拿被逐出離場,無法繼續指揮賽事,捱足半場嘅利物浦下半場終於有好日子過,56分鐘,穆罕默德沙拿同沙迪奧文尼兩人在前場打突擊,文尼先起腳被艾達臣摩拉斯救出不遠,沙拿搶前笠射為紅軍取得極為重要嘅作客入球,追成1比1平手,總比數領先4比1。

77分,羅拔圖法明奴迫甩奧達文迪腳下球,左路單刀埋門射遠柱入網,為利物浦反超前2比1,總比數領先到5比1,大局已定,尾段曼城再有根度簡食另一鋪詐胡,最終利物浦贏2比1,兩回合雙殺曼城闖入4強。

即上英超刨績王:http://win.on.cc/epl 

東網體育FB同你追實體壇每個精彩時刻!
http://bit.ly/2ecTF2A 

Follow東網體育IG一齊撐本地運動員!
http://bit.ly/2EYxoRh 


本文來源:http://hk.on.cc/hk/bkn/cnt/sport/20180411/bkn-20180411044040024-0411_00882_001.html




Tag:
本文鏈接:http://www.cateringhk.com/102384.html