歐霸盃 呂布受傷 福仔加時入波做英雄

作者:Ariel 發表日期:2018-05-10 11:11:09

恭喜曬紅魔,終於打入歐霸盃4強呀!不過呢支英超勁旅喺今晨8強次回合主場對住安德列治,賽前被睇高一線可以輕鬆進級,點知踢落完全欠缺王者風範,法定時間僅同對手打和1比1,兩回合計總比數打和2比2。好彩去到加時,又有「福將」拉舒福特建功,驚濤駭浪先可以贏波晉級。值得一提,「紅魔鬼」今場早段先有馬高斯盧祖受傷被調走,勢令後防兵荒加劇。佢哋加時仲有「呂布」伊巴謙莫域整親右腳,要人扶住離場,唔知要抖幾耐。曼聯呢場勝仗贏得肉酸,兼有主力受傷,睇怕主帥莫連奴同唔少「魔迷」都未必笑得出囉!

曼聯今場開賽10分鐘就有米希達利恩入波先拔頭籌,以為可以順風順水,點知客隊憑住蘇菲亞尼漢尼喺32分鐘還以顏色追和,令比賽進入加時。加時戰曼聯先後有保羅普巴同安東尼馬迪爾食詐胡,而「呂布」則喺一次爭頂落地,右腳受傷,經治理後由軍醫扶住離開球員通道。好彩「福仔」繼上場射爆車路士後,今次又做到英雄,佢喺107分鐘禁區內喺兩名客隊守將力壓下,起左腳射入,終為曼聯鎖定2比1勝利,兩回合計總比數贏3比2,成功殺入4強。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170421/bkn-20170421053238001-0421_00882_001.html

大眾殘疾人士也可以成為我們身邊的超能英雄,同時亦可以令年輕的新一代嘗試與他們相處,以達至互相學習及體諒。




Tag:
本文鏈接:http://www.cateringhk.com/12661.html