搜查線:5個生肖犯太歲 點拜點還先至啱?

作者:Ingrid 發表日期:2018-09-29 11:29:23

踏入新一年,不少人第一件事就是去拜太歲化解厄運,祈求新一年事事順利。今年犯太歲的生肖包括狗、龍、牛、羊及雞。有玄學界人士表示,犯太歲當然要去拜太歲,然而其他生肖人士亦不能掉以輕心,「唔係有事先嚟拜」,需要向保佑你的神打招呼,開開心心過狗年!

2018年是戊戌年,值年太歲為「姜武大將軍」,犯太歲的生肖分別是肖狗(值太歲)、肖龍(沖太歲)、肖牛(刑太歲)、肖羊(破太歲)及肖雞(害太歲)。究竟犯太歲是甚麼一回事?

「犯太歲即係話你所屬嘅生肖嗰組星群,喺呢段時間,去到某一個位置唔吉利。不過,唔能夠一概而論,要因人而異,就算犯太歲都唔代表嗰年會特別唔吉利。」嗇色園監院李耀輝(義覺)道長指,太歲是根據中國曆法,以木星(古稱歲星)運行計算,並用10天干12地支方法,去推算生肖去到哪一個位置:「12生肖個距離每一年都唔同,即係代表運程有吉亦都有凶,犯太歲者就要祈求你星系嘅神幫你手,趨吉避凶。」

要注意,原來不單是犯太歲的生肖才需拜太歲。李道長表示:「每個人幾時覺得自己有唔妥或者有咩事情想去問,好似人際、事業關係或者健康,有咩麻煩都應該拜返自己星系嘅神,希望佢保佑你。」他強調,雖然大氣候對你的生肖沒有影響,但亦應有個保障。「你一年都唔嚟打個招呼係唔係過份啲,到你有難佢都唔得閒睬你。」

犯太歲的生肖於正月整個月都可以去拜太歲,其他生肖亦可正月去,若怕人多,農曆2至5月都未遲。拜太歲的程序十分簡單,以黃大仙嗇色園的太歲元辰殿為例,入殿後,按次序向斗姆元君、值年太歲及出生年所屬的本命太歲各自上香及參拜即可。若希望上表文,有道長會作出協助。

李道長指,拜太歲最重要是誠心。「唔好帶隻燒豬嚟,冇作用架,最好就上表文,即係有個紀錄呈去上天,畀個訊息佢你嚟過。」最後,一年順順利利渡過,切記立春前要還太歲,代表向保佑你的神說聲多謝。

-----------------------

《骰寶坊》誠邀各地【賭王】【賭後】挑戰神人境界,每日更有百萬籌碼等你領取!

立即免費下載,體驗《骰寶坊》最真實、刺激的多人在線骰寶遊戲!

遊戲下載:https://goo.gl/i2t1yj


本文來源:http://hk.on.cc/hk/bkn/cnt/news/20180213/bkn-20180213060000489-0213_00822_001.html




Tag:
本文鏈接:http://www.cateringhk.com/81712.html