電玩吹兩嘴:《Overcooked》走入熱廚房

作者:Qearl 發表日期:2018-09-13 16:50:14

3月天氣濕????????,納悶令人容易無曬心機。想提起精神,電‧競女梗係要推介番啲小遊戲畀大家Refresh嚇啦。提起多人合作遊戲,近期就有款《Overcooked》就紅遍討論區,電‧競女仲試過坐巴士聽到有人講到興高采烈添!到底《Overcooked》有幾好玩?稍後同大家講!另外節目也會推介《星之卡比》和《食鬼》兩款系列的最新作,記住唔好行開!

呢款「煮過火」《Overcooked》其實早於2016年經已在PC Steam平台上市,近期在Switch平台以「Special Edition」推出實體版而被玩家重新所認識。Game如其名,《Overcooked》對應最多4位玩家扮演廚師,在極短的限時內分工合力完成菜單,只要餵飽食客就能得分。由於遊戲過關條件嚴苛,各人的煮食分工都要有默契方可成功,而且有時廚師甚至在市集或行駛的貨車上,廚房又會有老鼠叼走食物,因此大家遊玩時往往會手忙腳亂緊張刺激,朋友間粗口橫飛的情況更不時發生,所以《Overcooked》名符其實是一個「地獄廚房」呢!

去年《星之卡比》迎來誕生25周年,任天堂已事先張揚將於今年3月16日在Switch平台推出新作《星之卡比 新星同盟》。遊戲對應單機4人協力,延續元祖橫向捲軸動作玩法,能夠吞食敵人再複製對方能力,據講作品收錄最多28種複製能力。此外新作還有新遊戲系統,就是投擲愛心令敵人變成「協助夥伴」,而且一旦結合複製和夥伴兩者能力,融合成如火焰劍、電光劍或冰凍劍等強勁武器,實行打遍天下無敵手!最後要提一提,今次《星之卡比 新星同盟》同步推出繁體中文版,咁就唔驚日文唔識玩啦!

相比前兩款遊戲,《食鬼》最新作《PAC-MAN CHAMPSIONSHIP EDITION 2 PLUS》就無聲無息地靜悄悄推出市面。遊戲以07年《PAC-MAN CHAMPSIONSHIP EDITION》作藍本,玩家在充滿迷幻錯亂的迷宮關卡,控制食鬼躲避鬼怪從而吃掉所有餅乾。不過作為「PLUS」版本,遊戲增添了2人協力元素,分別操作黃色和藍色食鬼進行攻略,當一方有難時另一方可幫手解圍,仲可以兩人「互啜」強化能力!真係諗起都覺得核突呀!


本文來源:http://hk.on.cc/hk/bkn/cnt/lifestyle/20180303/bkn-20180303124334983-0303_00982_001.html




Tag:
本文鏈接:http://www.cateringhk.com/87780.html